საქართველოს მოლაშქრეთა ეროვნული ფედერაცია ფესტივალ "ტობა 2013"-ის დროს ტურისტების დაკარგვის ფაქტის გაშუქებას პოლიტიკური ბრძოლის ნაწილად მიიჩნევს
ფედერაციის ხელმძღვანელის, ხვთისო ტურძილაძის განცხადებით "ჭითაგვალას მიმდებარე ტერიტორიაზე მომხდარი ინციდენტი სამწუხაროა, თუმცა მსგავსი შემთხვევები დაუდევრობისა თუ უცოდინრობის გამო ხშირად მთელი ქვეყნის მაშტაბით გვხვდება".
მისივე თქმით, დაკარგული ადამიანები ფესტივალ "ტობას" მონაწილეები და არც ფედერაციაში შემავალი რომელიმე მოლაშქრეთა კლუბის წევრები არ იყვნენ, ამიტომ, მოლაშქრეთა ეროვნული ფედერაცია აღნიშნულ ფაქტზე პასუხისმგებლობას სრულიად ირიდებს.
"ჭითაგვალას მიმდებარე ტერიტორიაზე მომხდარი ინციდენტი ძალიან სამწუხარო ფაქტია, თუმცა მსგავსი შემთხვევები დაუდევრობისა თუ უცოდინრობის გამო ხშირად გვხვდება მთელი ქვეყნის მაშტაბით. აღნიშნულ ფაქტზე პასუხისმგებლობას სრულიად სამართლიანად ვირიდებთ. დაკარგული ადამიანები არ იყვნენ ფესტივალ "ტობას" მონაწილეები და არც ფედერაციაში შემავალი რომელიმე მოლაშქრეთა კლუბის წევრები. ჩემი აზრით ამ ფაქტის გამუქება საინფორმაციო საშუალებების მიერ და ფესტივალ "ტობა"-ზე მიბმა პირდაპირ კავშირშია პოლიტიკურ ბრძოლებთან. მივიჩნევ, რომ გუშინ გავრცელებული დეზინფორმაცია ფესტივალ "ტობა 2013"-ის შესახებ არამარტო პრეზიდენტ სააკაშვილის, არამედ მოლაშქრეთა ეროვნული ფედერაციის წინააღმდეგ დაგეგმილი პროვიკაციაა. მოგახსენებთ, რომ მოლაშქრეთა ეროვნული ფედერაცია სრულიად აპოლიტიკური ორგანიზაციაა ორიენტირებული ლაშქრობის პოპულარიზაციაზე. მე პირადად დავპატიჟე ფესტივალზე ძველი თუ ახალი მთავრობის ბევრი წარმომადგენელი და უარის თქმა პრეზიდენტისთვის მხოლოდ იმიტომ, რომ მისი წამოსვლა საზოგადოების ნაწილში უარყოფით რეაქციას გამოიწვევდა სრულიად უტაქტო და უზნეო საქციელი მგონია. ლაშქრობა არანაირ კავშირში არ არის პოლიტიკასთან. ფესტივალი ძალიან კარგად მიმდინარეობს. მიუხედავად იმისა რომ არანაირი კონტაქტი არ არსებობს ცივილიზაციასთან, მონაწილეებს პრობლემა არ შექმნიათ და თავს კარგად გრძნობენ. ლაშქრობის განმავლობაში პრეზიდენტმა ფეხით გაიარა 42 კილომეტრი მოლაშქრეებთან ერთად. ღამე დაიძინა კარავში და საბანაკე სივრცის მოწყობასიც მიიღო მონაწილეობა. მისი თითოეული საქციელი მოწმობდა, რომ ლაშქრობა ყოველდღიური ცხოვრების დავიწყების ბრწყინვალე საშუალებაა. პრეზიდენტი ფესტივალს 2 დღით შეუერთდა. სააკაშვილმა ლაშქრობის პოპულარიზაციის საკუთარი ხედვაც გამაცნო და ფედერაცია აჭურვილობითაც მოამარაგა. მოხარული ვარ მისი გადაწყვეტილებით და მოვუწოდებ ხელისუფლების სხვა წარმომადგენლებს წვლილი შეიტანონ ჯანსაღი ცხოვრების საუკეთესო საშუალების პოპულარიზაციაში",- ნათქვამია ხვთისო ტურძილაძის განცხადებაში.
