„საერთაშორისო გამჭვირვალობა - საქართველო" „საკადრო პოლიტიკა საჯარო სამსახურში საპარლამენტო არჩევნების შემდეგ" ახალ ანგარიშს წარმოადგენს. პრეზენტაცია 12 აგვისტოს, 12:00 საათზე „საერთაშორისო გამჭვირვალობა - საქართველოს" ოფისში გაიმართება და ანგარიში 2012 წლის 20 ოქტომბერიდან 2013 წლის 1-ელ მარტის პერიოდს მოიცავს.
ორგანიზაციის ინფორმაციით, 1-ელი ოქტომბრის არჩევნების შემდეგ საჯარო სამსახურში მიმდინარე საკადრო ცვლილებები საზოგადოებაში ძალზე აქტუალური თემა გახდა. ეს ეხება არა მხოლოდ ცენტრალური, არამედ ადგილობრივი ხელისუფლების დაწესებულებებსაც. ჩვენი კვლევის მიმდინარეობისას გამოიკვეთა რამდენიმე ნეგატიური ტენდენცია, რაც მნიშვნელოვან დარტყმას აყენებს საჯარო სამსახურის სტაბილურობას და მიმდინარე საკადრო რეფორმებს.
პრეზენტაციაზე წარმოდგენილი იქნება საჯარო სამსახურიდან მოსამსახურეთა გათავისუფლება-დაქირავების სტატისტიკა, გამოვლენილი ტენდენციები და ასევე რეკომენდაციები.
