თბილისში, მუხიანის დასახლებაში საცხოვრებელი კორპუსის მეშვიდე სართულზე გაჩენილი ხანძარი სრულად ლიკვიდირებულია.
როგორც "ჯი-ეიჩ-ენს" დედაქალაქის საგანგებო სიტუციების მართვის სამსახურის უფროსმა თემურ გიორგაძემ განუცხადა, ცეცხლი საცხოვრებელი კორპუსის მე-7 სართულზე მდებარე ერთ-ერთ ბინაში პლასტიკატის ჭერზე გაჩნდა.
"მნიშველოვნად არაფერი დაზიანებულა. დამწვარია დაახლოებით 3 კვადრატული მეტრის ფართობი ჭერის ნაწილი. ცეცხლი ბინაში არ გავრცელებულა, რადგან ადგილზე სახანძრო-სამაშველო სამსახურის თანამშრომლები გამოძახების დაფიქსირებიდან რამდენიმე წუთში მიიდნენ,"- განაცხადა თემურ გიორგაძემ.
მომხდარის შედეგად ოჯახის არც ერთი წევრი არ დაშავებულა. ცეცხლი სავარაუდოდ, ელექტროგაყვანილობის ხაზზე მომხდარი მოკლე ჩართვის შედეგად გაჩნდა.