ქალაქ თბილისის მერი გიგი უგულავა ცენტრალურ ხელისუფლებას თბილისის შემოვლითი რკინიგზის მშენებლობის შეჩერების საკითხზე მოლაპარაკებების მაგიდასთან იწვევს და საბოლოო გადაწყვეტილების მი(რებამდე ერთობლივ მსჯელობას სთავაზობს.
უფგულავას თქმით, "ერთი კომპანიის ინტერესებს ქალაქის ინტერესები არ უნდა შეეწიროს, მით უმეტეს როდესაც აღნიშნული პროექტის თითქმის 80 % უკვე დასრულებულია".
"თბილისის შემოვლითი რკინიგზის მშენებლობა შეჩერებულია, არადა სამუშაოების თითქმის 80% უკვე შესრულებულია და თითქოს მთავრობას განსაზვრული აქვს თბილისის შემოვლითი რკინიგზის მაგისტრალის ნაცვლად, კიდევ ერთი შემოვლითი გზა გაიყვანოს. მე მინდა ვკითხო მთავრობას და ვთხოვო, იქნებ მოვახერხოთ, დავხსდეთ და გავიაროთ ეს საკითხი, რადგან სასწორის ორ მხარეს არათანაბრად წონადი პროექტები დევს. ერთ მხარეს ქალაქის, დამატებითი სამუშაობის შექმნის, თბილისელების და დედაქალაქის განვითარების ინტერესია და მეორე მხარეს ერთი კომპანიის ინტერესია,"- განაცხადა გიგი უგულავამ.
შეგახსენებთ, მთავრობის გადაწყვეტილება თბილისის შემოვლითი რკინიგზის პროექტის მშენებლობის შეჩერების შესახებ რამდენიმე დღის წინ გახდა ცნობილი.