ენერგეტიკის მინისტრმა კახა კალაძემ გურიაში, სოფელ მერიაში ქუთაისი-სოხუმის მაგისტრალური გაზსადენის დაზიანებული 44 კმ დღეს დაათვალიერა.
გუშინ გვიან ღამით, ძლიერი წვიმის დროს მდინარე ნატანები ადიდდავდა გაზსადენის 44 კმ-ის მიმდებარე მიწა ჩარეცხა და მილსადენი დააზიანა, რის გამოც აჭარასა და ოზურგეთის რაიონს გაზის მიწოდება შეუწყდა.
„გაზის ტრანსპორტირების კომპანიის" ავარიული ბრიგადები დაზიანებულ მონაკვეთზე აღდგენით სამუშაოებს მთელი ღამის განმავლობაში აწარმოებდნენ. ოზურგეთის რაიონს ბუნებრივი აირი დღეს დილიდან უკვე მიეწოდება. სარემონტო სამუშაოები გრძელდება და აჭარის ავტონომიურ რესპუბლიკას გაზმომარაგება ორ დღეში აღუდგება.
მასალის გამოყენების პირობები
