ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრმა დავით დარახველიძემ სამინისტროს სამეთვალყურეო საბჭოს სხდომა გაიმართა. საბჭოზე სულ 5 საკითხი განიხილეს, მათ შორის ევროკავშირის დაფინანსებით განხორციელებული „დევნილთა დახმარების პროგრამა 3", რომლის ფარგლებში ფოთში დევნილებისთვის 280 ბინიანი 7 კორპუსი შენდება. ასევე ისაუბრეს ფოთში ყოფილი სასტუმრო „აიეტის" რეაბილიტაციაზე, რომელიც 15 სექტემბრისთვის უნდა დასრულდეს და სამშენებლო დასრულებას 110 დევნილი ოჯახი ელოდება.
ფოთში მიმდინარე შვიდი ახალი კორპუსის მშენებლობებთან დაკავშირებით დაფიქსირდა გარკვეული პრობლემები. კონტრაქტორ კომპანიას, რომელიც აწარმოებდა სამშენებლო სამუშაოებს, შეექმნა გარკვეული ფინანსური პრობლემები, რის გამოც შეჩერდა მშენებლობა. დღეს უკვე გამოვლენილია ახალი კონტრაქტორი კომპანია, რომელიც გააგრძელებს სამშენებლო სამუშაოებს. აღნიშნული კორპუსების დასრულება და ექსპლოატაციაში შესვლა მომავალი წლის გაზაფხულის ბოლოსთვის იგეგმება.
საბჭომ ახალ აშენებულ კორპუსების დევნილებისთვის განაწილების საკითხიც განიხილა და აღნიშნა, რომ ყველა განსახლება ახლად შემუშავებული დევნილთა გრძელვადიანი განსახლების კრიტერიუმების შესაბამისად განხორციელდება. ანკეტირების პროცესის დაწყება კი შენობის ექსპლოატაციაში შესვლამდე 2 თვით ადრე გამოცხადდება.
სხდომას ევროკავშირის წარმომადგენლებიც ესწრებოდნენ. დევნილთა დახმარების პროგრამა 3 მიმდინარე წლის აგვისტოს ბოლოს დაიხურება.