დღეს, 25 ივლისს, 20 საათზე, ლისის ტბაზე ტარდება საქველმოქმედო დეფილე სახელწოდებით "სილამაზე-სიკეთისათვის".
საქველმოქმედო საღამოზე წარმოდგენილი იქნება ღონისძიების ორგანიზატორის, დიზაინერ თინათინ მაღალაშვილის მიერ შექმნილი საზღვაო კოლექცია. დეფილეში მონაწილეობას იღებენ "მის საქართველო 2012" თამარ შედანია და "იმიჯ-ცენტრი"-ს წამყვანი მოდელები.
პროექტი "სილამაზე-სიკეთისათვის" ტარდება "მის საქართველო"-ს ეგიდით, რომლის ფარგლებშიც წლის განმავლობაში იგეგმება სხვადასხვა ტიპის საქველმოქმედო ღონისძიებები.
25 ივლისს დაგეგმილი საქველმოქმედო აქციის მიზანია ონკოლოგიური სენით დაავადებულ ბავშვთა დახმარება. პროექტის ფარგლებში მოზიდული თანხები მიმართული იქნება სოლიდური სიმსივნით დაავადებულ ბავშვთა საზაფხულო დასვენების დასაფინანსებლად.
ღონისძიების ორგანიზატორები ეწვევიან დავით გაგუას კლინიკას (ლუბლიანას ქუჩა N2/6), სადაც მოინახულებენ იმ ბავშვებს, ვისთვისაც ტარდება ზემოდ აღნიშნული აქცია. შეხვედრაზე მოხდება ბავშვებისათვის საჩუქრების გადაცემა და ბერი ანდრიას ფონდის (რომელიც კურირებს სოლიდური სიმსივნით დაავადებულ 21 ბავშვს) ხელმძღვანელთან ქალბატონ თინათინთან შეხვედრა. შეხვედრის ფარგლებში განიხილება ფონდის დახმარების სამომავლო გეგმები.

მოგმართავთ თხოვნით - გამოიჩინოთ გულისხმიერება და გაგვიწიოთ პარტნიორობა ბავშვების დასახმარებლად თქვენთვის მოსახერხებელი ფორმით - ფულადი ან მატერიალური შემოწირულობის სახით.

მატერიალური შემოწირულობისათვის დაგვიკავშირდით მისამართზე:
ნიკო ნიკოლაძის 6, ტელ: 298 51 48/ 568 98 39 40 მაცაცო
ფულადი შემოწირულობისათვის:
ბერი ანდრიას სახელობის ფონდის რეკვიზიტები
საბანკო კოდი: TBCBGE22 ა/ა GE73TB7171536080100002
ზარი ყველა ქსელიდან 0901500535 (ღირ. 1 ლარი)

საქველმოქმედო დეფილეს ორგანიზატორები:
დიზაინერი თინათინ მაღალაშვილი, კომპანია "იმიჯ-ცენტრი" და "მის საქართველო 2012" თამარ შედანია