,,ქართული ოცნება" ეკონომიკის კატასტროფული ვარდნისა და საპრეზიდენტო კანდიდატის დაბალი რეიტინგის გადასაფარად ძალადობას იყენებს", - განაცხადა ჟურნალისტებთან ,,ნაციონალური მოძრაობის" დეპუტატმა დავით დარჩიაშვილმა ზუგდიდში მომხდარი ინციდენტის კომენტირებისას.
,,ძალადობა დაწყებულია თვების განმავლობაში და გუშინდელი დღე იყო ერთ-ერთი ნიშანდობლივი შემთხევა. ამავე დროს იკვეთება თუ რა არის სამართლიანობის ფასი ,,ქართული ოცნების" ხელისუფლებისთვის _ თუ თქვენ აპროტესტებთ რუსულ ოკუპაციას, ან უნივერსიტეტების ავტონომიის მიმართ არსებულ საფრთხეს ჯარიმა შეიძლება იყოს 400-1000-ლარამდე, ხოლო თუ თქვენ ფიზიკურად შეეხებით დეპუტატს, ან პოლიციელს, ქვებს ესვრით საპრეზიდენტო კორტეჟს, მაშინ თქვენი ჯარიმა, დაახლოებით, ასი ლარია", _ განაცხადა დარჩიაშვილმა.
შეგახსენებთ, რომ 12 პირი სამართალდამცავებმა გუშინ დადიანის სახელობის თეატრთან დააკავეს. მათ ..ნაციონალურიო მოძრაობის" წარმომადგენლებს ბოთლები და ქვები დაუშინეს. დაკავებულები სასამართლომ 100-100-ლარიანი ჯარიმის გადახდის შემდეგ გაათავისუფლა.
