დღეს, 17 ივლისს 11:00 საათზე ქ. თბილისში შერატონ მეტეხი პალასში გაიმართება საერთშორისო კონფერენცია თემაზე: "ინკლუზიური ტურიზმი - სოციალური ინკლუზიისა და ეკონომიკური განვითარებისათვის".
კონფერენცია დაფინანსებულია ევროკავშირის მიერ, "დემოკრატიისა და ადამიანის უფლებათა ევროპული ინსტრუმენტის" პროგრამის ფარგლებში. მასში მონაწილეობას მიიღებენ და საკუთარ პრეზენტაციებს წარადგენენ ადგილობრივი და საერთაშორისო ორგანიზაციები (ევროპის ინკლუზიური ტურიზმის ქსელი - ENAT) უნივერსალური დიზაინის სფეროში მომუშავე ადგილობრივი და უცხოელი ექსპერტები, სამთავრობო სტრუქტურების წარმომადგენლები.
კონფერენციაზე ასევე ტურიზმის ეროვნული ადმინისტრაციის მხარდაჭერით საქართველოს შესახებ ქართულ ჟესტურ ენაზე კლიპის ჩვენება და ფოტო გამოფენა გაიმართება.
კონფერენციის ოფიციალური მასპინძელია არასამთავრობო ორგანიზაცია "პარსა", ევროპის ინკლუზიური ტურიზმის ქსელის (ENAT) ასოცირებული წევრი.
შეხვედრას დაესწრება და სიტყვით გამოვა თურიზმის ეროვნული ადმინისტრაციის ხელმძღვანელის მოადგილე მაია ჩიქვანაია.