"მინდა, მივმართო საქართველოს მთავრობას, რომ ჯერ ერთი, ვიღაცის ჯინაზე არაფერი უნდა გააჩეროთ, იმიტომ რომ ეს ძალიან ცუდია, ქვეყანა ჩერდება, დაპაუზებულ მდგომარეობაშია ამ დროს. ამავე დროს, ეს განათლების სისტემა თითქმის 12 ათას სტუდენტზეა გათვლილი. ძალიან ბევრი პროფესიონალი პედაგოგია, მათი უმეტესობა ხელფასებს იღებს, მაგრამ ხელფასიც არ არის საკმარისი. მეორეც, ეს 12 ათასი სტუდენტი მუდმივად რომ სწავლობდეს საქართველოში, ჩვენ რამდენიმე წელიწადში მივიღებთ ასობით ათას ადამიანს, რომელსაც ექნება ხელში პროფესია. პრაქტიკულად, ამ სისტემაში დღეს არის პრობლემები. გარდა იმისა, რომ უმუშევრობამ მოიმატა 50 ათასი კაცით და იზრდება, ამას თავისი კონკრეტული მიზეზები აქვს. ეს კოლეჯია ერთ-ერთი მიზეზი. მე მოვისმინე, მთავრობა იძახდა, რომ სხვა ქვეყნებშია შენელება და ა.შ. სხვა ქვეყნები არაფერ შუაშია. თუნდაც ეს კოლეჯი რომ არის გაჩერებული, არის უმუშევრობის ერთ-ერთი მთავარი მიზეზი", - განაცხადა სააკაშვილმა.