შინაგან საქმეთა მინისტრის მოადგილის ლევან იზორიას თქმით, „პოლიციის შესახებ კანონში" ცვლილება შედის. ცვლილების შედეგად, პოლიციის უფლება-მოვალეობები დაზუსტდება და კონკრეტიკას შეიძენს.
როგორც იზორია ამბობს „პოლიციის შესახებ კანონის" ძველი რედაქცია აბსტრაქტული და კონკრეტულ ფორმულირებებს მოკლებული იყო, ხოლო ამ ცვლილებით კანონი ზუსტდება და პოლიციელსა და მოქალაქეს ეცოდინება სად მთავრდება პოლიციის უფლებამოსილება.
„პოლიციის ძირითადი ფუნქცია არა რეპრესია, არამედ დანაშაულის თავიდან აცილება იქნება," - ამბობს იზორია.
კანონში ცვლილების პროექტს დღეს, ადამიანის უფლებათა კომიტეტში პირველი მოსმენით განიხილავენ.
