ხვალ, 15 ივლისს, 11 საათზე სავაჭრო სახლი „საბას" დაზარალებული სუბიექტები სახელმწიფო კანცელარიის წინ მშვიდობიან აქციას გამართავენ.
სავაჭრო სახლი „საბას" დაზარალებულების განცხადებით, მათი 28 მაისის შეხვედრა ფინანსთა მინისტრთან უშედეგო იყო. თვლიან, რომ ნოდარ ხადურმა ისინი მოატყუა. ამიტომაც რეაგირებას პრემიერისა და მთავრობის სხვა წევრების მხრიდან ელოდებიან.
აქცია დაიწყება დილის 11 საათზე. დაზარალებულები დაიშლებიან კონკრეტული პასუხის მიღების შემდეგ. აქციაზე მოეწყობა იმიტირებული ვაჭრობა, სადაც აქციის მონაწილეები ფართო საზოგადოებას მათ დღევანდელ ყოფას დაანახებენ.