საქართველოს მოსახლეობის 68% თავს დასაქმებულად არ მიჩნევს. ასეთია ეროვნულ დემოკრატიული ინსტიტიტის - NDI, კვლევის შედეგები. კვლევის მიხედვით, დასაქმებულად თავს თვლის გამოკითხულთა 32%.
თბილისში დასაქმებულად თავს თვლის 36%, ხოლო დაუსაქმებლად 64%, საქართველოს ქალაქებში დასაქმებულია 34%, დაუსაქმებელი 66%, ხოლო სოფლებში დასაქმებულად თავს მიიჩნევს გამოკითხულთა 28%, დაუსაქმებლად 72%.
კვლევის მიხედვით დასაქმებულთა რაოდენობა აღმოსავლეთ საქართველოში მეტია ვიდრე დასავლეთ საქართველოში.
აღმოსავლეთ საქართველოში დასაქმებულად თავს მიჩნევს 33%, ხოლო დაუსაქმებლად 67%, დასავლეთ საქართველოში კი დასაქმებულათ თავს თვლის 28%, დაუსამქმებლად 72%.
კვლევა ქვეყნის მასშტაბით 12-26 ივნისს ჩატარდა, გამოიკითხა 2338 რესპონდენტი. ცდომილება 2,9%-ის ფარგლებში.
