სექსუალური უმცირესობების მხარდამჭერების წინააღმდეგ განხორციელებულ ქმედებებს NDI-ს კვლევის თანახმად, გამოკითხულთა 25% ამართლებს, ხოლო 49% არ ამართლებს.
ამავე დროს, კონტრაქციის მონაწილეების მიერ პოლიციის მიერ მოწყობილ ბარიკადების გარღვევას, ამართლებს 30%, ხოლო არ ამართლებს - 46%.
სექსუალური უმცირესობების უფლებების მხარდამჭერი აქციის წინააღმდეგ ორგანიზებულ კონტრაქციას ამართლებს 52% , ხოლო 33% არ ამართლებს.
გამოკითხულთა 51% მიიჩნევს, რომ კანონის წინაშე პასუხი უნდა აგოს ყველა იმ ადამიანმა, მათ შორის მღვდლებმა, რომელთა მიერ სექსუალური უმცირესობების მხარდამჭერთა წინააღმდეგ განხორციელებული ქმედებები ხელისუფლების მიერ კანონსაწინააღმდეგოდ იქნება მიჩნეული. ხოლო 24% მიიჩნევს, რომ კანონსაწინააღმდეგო ქმედებებში ბრალდებულებმა პასუხი არ უნდა აგონ.
NDI-ს კვლევის თანახმად, გამოკითხულთა მხოლოდ 10% ამართლებს 17 მაისს ორგანიზებულ აქციას, რომელიც სექსუალური უმცირესობების დისკრიმინაციას აპროტესტებდა, 79% კი არ ამართლებს.
კვლევა 12-დან 26 ივნისის პერიოდში საქართველოს მასშტაბით ჩატარდა და 2 338 ადამიანი გამოიკითხა.
