20 ივლისს, ქობულეთის რაიონულ საავადმყოფოში უფასო სამედიცინო კონსულტაციები და გამოკვლევები ჩატარდება. აჭარის ჯანდაცვის სამინისტროს ინფორმაციით, ადგილობრივებს სამედიცინო მომსახურების მიღება დილის 10:00 საათიდან შეეძლებათ.
კონსულტაციებს და გამოკვლევებს „მეზღვაურთა სამედიცინო ცენტრის" და ჯანმრთელობის ცენტრი „მედინას" წამყვანი სპეციალისტები ჩაატარებენ. პედიატრის, ენდოკრინოლოგის, ქირურგის, უროლოგის, ორთოპედ-ტრავმატოლოგის, კარდიოლოგის, ექოსკოპისტის, გინეკოლოგის, რეპროდუქტოლოგის, ნევროპათოლოგის, ოტო-რინო-ლარინგოლოგის, ალერგოლოგის, დერმატოლოგის, ოკულისტის და რევმატოლოგის სამედიცინო მომსახურების მიღება მოსახლეობას მთელი დღის განმავლობაში შეეძლება.
უფასო სამედიცინო გამოკვლევებს აჭარის ავტონომიური რესპუბლიკის ჯანმრთელობისა და სოციალური დაცვის სამინისტროს წარმომადგენლები დაესწრებიან.
27 ივლისს, უფასო სამედიცინო მომსახურება ქედის მუნიციპალიტეტში ჩატარდება, აქ მოსახლეობას სამედიცინო მომსახურებას „რეფერალური საავადმყოფოს" ექიმები გაუწევენ.
