იძულებით გადაადგილებულ პირთა ძირითადი საჭიროება უცვლელია და გასული თვეების მსგავსად, ძირითადად დევნილთა განსახლების საკითხებს ეხება. კერძოდ, დევნილი საზოგადოების ის ნაწილი, რომელთაც საბინაო პრობლემა წლების განმავლობაში არ მოგვარებიათ, აინტერესებთ, როდის დაკმაყოფილდებიან საცხოვრებელი ფართით. ასევე, დევნილები ინტერესდებიან დევნილთა გრძელვადიანი განსახლების კრიტერიუმების შესაბამისად ანკეტირების პროცესი როდის დაიწყება და სად უნდა შეავსონ სპეციალური ანკეტები. ასევე, იძულებით გადაადგილებულ პირთა კითხვები ეხება დევნილთა ყოველთვიურ შემწეობასთან დაკავშირებულ საკითხებს.
განსახლების საკითხთან დაკავშირებით, იანვრის თვეში, სამინისტროში 667 ზარი დაფიქსირდა; შენობის რეაბილიტაციისა და კომუნიკაციის საკითხებთან დაკავშირებით - 55; დევნილთა მონაცემთა ბაზაში ცვილებების განხორციელებასა და სტატუსის მოთხოვნასთან დაკავშირებით - 350 ზარი დაფიქსირდა; სოციალური და სხვა სახის დახმარებებთან დაკავშირებით 408 ზარი შემოვიდა.

სამინისტროს „ცხელი ხაზი" მუშაობს ორშაბათიდან პარასკევის ჩათვლით 10:00 საათიდან 19:00 საათამდე. „ცხელ ხაზზე" დაკავშირება შესაძლებელია შემდეგ ნომრებზე:

თბილისიდან: 14-07 ან 243 11 00;

მობილურიდან: (032) 243 11 00;

რეგიონებიდან: (032) 243 11 00.