8 ივლისს, სპორტის აკადემიის სტადიონზე საქართველოს ფინანსთა სამინისტროს ჩემპიონატი მინიფეხბურთში MOF-2013 იწყება, რომელსაც დაესწრება ფინანსთა მინისტრი ნოდარ ხადური. ჩემპიონატში მონაწილეობენ ფინანსთა სამინისტროს ცენტრალური აპარატისა და სამინისტროს საქვეუწყებო სამსახურების გუნდები.
კერძოდ, ფინანსთა სამინისტროს მომსახურების სააგენტო, ფინანსთა სამინისტროს საფინანსო-ანალიტიკური სამსახური, შემოსავლების სამსახურის საბაჟო დეპარტამენტი, შემოსავლების სამსახურის ცენტრალური აპარატი, შემოსავლების სამსახურის მომსახურების დეპარტამენტი, ფინანსთა სამინისტროს ცენტრალური აპარატი, შემოსავლების სამსახურის მონიტორინგის დეპარტამენტი და შემოსავლების სამსახურის აუდიტის დეპარტამენტი.
8 ივლისს, 20:00 საათზე, სპორტის აკადემიის სტადიონზე, ერთმანეთს ხვდებიან ფინანსთა სამინისტროს მომსახურების სააგენტოსა და ფინანსთა სამინისტროს საფინანსო-ანალიტიკური სამსახურის გუნდები, ხოლო 21:00 საათზე, შემოსავლების სამსახურის ცენტრალური აპარატისა და შემოსავლების სამსახურის საბაჟო დეპარტამენტის გუნდები.
ჯგუფური ეტაპი გაიმართება 8-16 ივლისს, ნახევარფინალები 18 ივლისს, ფინალი შედგება 19 ივლისს 21:00 საათზე. ჩემპიონატის მონაწილეებს ფინანსთა მინისტრი ნოდარ ხადური გადასცემს სამახსოვრო სიგელებს. ჩემპიონატში გამარჯვებულ გუნდს გადაეცემა გარდამავალი თასი, ასევე დაჯილდოვდებიან ჩემპიონატის საუკეთესო ბომბარდირი, საუკეთესო ფეხბურთელი და საუკეთესო მეკარე. ტურნირს უხელმძღვანელებს მსაჯთა 2-კაციანი შემადგენლობა.
