საქართველოს ტექნიკური უნივერსიტეტის დელეგაცია მადრიდის სან პაბლოს უნივერსიტეტისა და ესპანეთში საქართველოს ელჩის, ზურაბ პოლოლიკაშვილის მიწვევით საქმიანი ვიზიტით იმყოფებოდა მადრიდის სან პაბლოს უნივერსიტეტში.
უნივერსიტეტის რექტორთან შეხვედრაზე, რომელსაც ასევე ესწრებოდა საქართველოს ელჩი და კონსული, განხილული იქნა სტუ-სა და მადრიდის უნივერსიტეტს შორის სამომავლო საქმიანი ურთიერთობების პერსპექტივები. ხელი მოეწერა ხელშეკრულებას, სტუდენტთა და პროფესორ მასწავლებელთა გაცვლის თაობაზე, დაიგეგმა ერთობლივი კონფერენციებისა და სამუშაო შეხვედრების ჩატარება.
სან პაბლოს რექტორი სტუ-ს საპასუხო ვიზიტით მიმდინარე წლის სექტემბერში ეწვევა.
