დღეს, 27 ივნისს, ერთიანი ეროვნული გამოცდები დაიწყო. გამოცდების პირველ დღეს აბიტურიენტებს ქართული ენისა და ლიტერატურის გამოცდის ჩაბარება მოუწევთ.
საგამოცდო ტესტების საგამოცდო ცენტრებამდე პოლიციის სამმართველოებიდან 06:30 საათზე მიიტანეს, გამოცდის პირველი სესიისათვის რეგისტრაცია 08:00 საათზე, ხოლო საგამოცდო პროცესი 09:00 საათზე დაიწყო.
საქართველოს 12 ქალაქში გახსილ 18 საგამოცდო ცენტრში პირველ სესიაზე 10 ათასზე მეტი აბიტურიენტი გაივლის ტესტირებას. საგამოცდო პროცესში ჩართულია 1 800-ზე მეტი მეთვალყურე და კურატორი.
თითქმის ამდენივე აბიტურიენტია მეორე სესიაზე. მეორე სესიისათვის რეგისტრაცია 14:00 საათზე, გამოცდა კი 15:00 საათზე დაიწყება.
საგამოცდო ცენტრებში გახსნილია სამედიცინო პუნქტები, რომელებიც აღჭურვილია პირველადი დახმარებისათვის საჭირო მედიკამენტებით.
19:00 საათზე გამოცდების ეროვნული ცენტრის მედიაცენტრში შემაჯამებელი ბრიფინგი გაიმართება.
