ესმა ონიანი(1938-1999) ქართული სახვითი ხელოვნების გამორჩეული წარმომადგენელია _ ქართული მხატვრობის ენდროსფერი ქალბატონი...

მხატვარი, პოეტი, ესეისტი, პუბლიცისტი, მთარგმნელი _ ნამდვილად არაორდინალური პიროვნება, იმ თაობიდანაა, რომელმაც ძალიან სერიოზული და მნიშვნელოვანი სიტყვა თქვა 60-იანი წლების ქართულ თეატრში, კინოში, მწერლობაში, მხატვრობაში...

თუმცა აკადემიის დამთავრებისთანავე მუდმივად იფინებოდა, როგორც საქართველოში, ისე მის საზღვრებს გარეთაც, სიცოცხლეში პერსონალური გამოფენა არ ქონია.

ესმა ონიანის შემოქმედებას ყოველთვის გამოარჩევდა მხატვრული აზროვნების სიღრმე, ფერწერული ამოცანების სითამამე და სამეტყველო ენის სიმდიდრე.
პლასტიური ფორმის ძერწვის მისი მანერა, უაღრესად ინტიმურ-კამერული ტონალობა, ფერწერის თანამედროვე პრობლემატიკას ეხმიანებოდა და აქტუალურია დღესაც.

ესმა ონიანის ნამუშევრები, იქნება ეს ფერწერული ტილო, თუ ლექსი, თავისებური აღსარებაცაა და უინტიმურესი დღიურებიც:
"დაბეჯითებით ვიცი, რომ ნამდვილი ნაწარმოებები ერთმანეთში ცხოვრობენ. და ის, ვინც თავდავიწყებულ ქმნის პროცესშია, ამავე დროს "მარტო" დარჩენილებსაც ატარებს მუცლით".

1982 წელს ესმა ონიანის "დავით კაკაბაძის პორტრეტი"
მხატვართა კავშირმა წლის საუკეთესო ფერწერულ ნამუშევრად
აღიარა.

2000 წელს ესმა ონიანს საქართველოს სახელმწიფო პრემია მიენიჭა.

2013 წელს ესმა ონიანი 75 წლის შეუსრულდებოდა.

ესმა ონიანის გამოფენა "თიბისი არტ გალერეაში" 2013 წლის 1 ოქტომბრამდე გაგრძელდება.