2009 წლიდან 2013 წლის ივნისამდე საოკუპაციო ჯარების მიერ უკანონოდ დაკავებულია საქართველოს 1110 მოქალაქე, რომელთაგან ცხინვალის საოკუპაციო ხაზთან დაკავებულ იქნა 474 პირი, ხოლო აფხაზეთის - 636 პირი. აღნიშნულ ინფორმაციას IDFI-ი საქართველოს შინაგან საქმეთა სამინისტროდან მიიღო ოფიციალური ინფორმაციის საფუძველზე ავრცელებს.
IDFI-ის ინფორმაციით, რუსეთის საოკუპაციო ჯარების მიერ ყველაზე მეტი საქართველოს მოქალაქე ოკუპაციის ხაზის დარღვევისათვის აფხაზეთის მიმართულებაზეა დაკავებულია - 2012 წელს -190 პირი. თუმცა, აღსანიშნავია ის ფაქტი, რომ საქართველოს მოქალაქეების დაკავება გახშირდა 2013 წელს ვინაიდან, დღეის მდგომარეობით დაკავებულების რაოდენობა უკვე 117 პირს შეადგენს.
რუსეთის საოკუპაციო ჯარების მიერ საქართველოს მოქალაქეების ოკუპაციის ხაზის დარღვევისათვის უკანონო დაკავებების თვალსაზრისით მსგავსი მდგომარეობაა ცხინვალის რეგიონში. 2013 წელს (იანვარი-ივნისი) უკვე დაკავებულია 80 საქართველოს მოქალაქე, ხოლო ყველაზე მეტი მოქალაქის (135 პირი) დაკავება განხორციელდა 2011 წელს.
