ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრი დავით დარახველიძე ტყიბულში მაჟორიტარ დეპუტატ ელოსო ჩაფიძესთან ერთად დევნვილებს შეხვდა.
დავით დარახველიძემ ცირეკიძის ქუჩაზე მდებარე დევნილთა კომპაქტური ობიექტი დაათვალიერა და იქ მაცხოვრებლებვს არსებულ საჭირებებზე ესაუბრა. როგორც დევნილებმა აღნიშნეს, მართალია შენობა სარემონტოა, თუცა, სხვაგან გადასვლა არ სურთ. „ჩვენი შენობა საკმაოდ სარემონტოა, მაგრამ გვირჩევნია აქ დავრჩეთ და თუ შესაძლებელია გარემონტებაში დაგვეხმარეთ. აქ ბოსლებიც გვაქვს, საქონელი გვყავს და აქედან სხვა, თუმდან გარემონტებულ შენობაში ჩვენთვის გადასვლა რთული იქნება" - აღნიშნეს დევნილებმა.
მინისტრი დევნილ მოსახლეობას შენობის სარემონტო სამუშაოებში დახმარებას დაჰპირდა და აღნიშნა, რომ თუ მათ ალტერნატიულ შენობაში გადასვლის სურვილი არ აქვთ, დარჩებიან იქ, სადაც თავად სურთ.
დავით დარახველიძემ დევნილებს სამინისტროს პროორიტეტები და გეგმები გააცნო. ასევე ვესაუბრა დაგეგმილ და მიმდინარე პროექტებზე და აღნიშნა, რომ შემოსავლის მომტანი წყაროების ხელშეწყობა სამინისტროს ერთ-ერთი პრიორიტეტია.
