ევროკავშირის რამდენიმე ქვეყანაში ჩათარებული გრანდიოზული სპეცოპერაციის შედეგად 13 ქართველი „კანონიერი ქურდი" დააკავეს. ინფორმაციას ამის შესახებ რუსული მედია ავრცელებს.
სპეცოპერაციაში მონაწილეობა მიიღეს იტალიის, საფრანგეთის, გერმანიის, ესპანეთის, პორტუგალიის, ჩეხეთის, პოლონეთისა და ლიტვის სამართალდამცავმა სტრუქტურებმა.
იტალიაში დაკავებულია შვიდი ადამიანი, ხუთი ლიტვაში, ჩეხეთსა და პორტუგალიაში ორ-ორი, უნგრეთსა და საფრანგეთში კი თითო-თითო. ჩატარებული ჩხრეკების შედეგად ამოღებულია იარაღი, ნარკოტიკები და დაახლოებით 100 ათასი ევროს ოდენობით ე.წ. ქურდული ობშიაკი.
წყაროების ინფორმაციით, სამართალდამცავების ხელში ქართული კლანის მთელი ხელმძღვანელობა მოხვდა, მათ შორის მათი ლიდერი 51 წლის „კანონიერი ქურდი" მერაბ ჯანგველაძე. იგი ბუდაპეშტის ერთ ერთ სასტუმროში დააკავეს. მასთან ერთად იყვნენ და დაკავებულნი არიან „კანონიერი ქურდები" : თემურ ნემსიწვერიძე - „წრიპა", გივი გორდელაძე, თამაზ კოროშინაძე და ასევე შედარებით ახალგაზრდა „კანონიერი ქურდები": ალიკა ქარცივაძე, ირაკლი ფიფია, გია გურჩიანი და „ახლადკურთხეული" რაჟდენ შულაია.
კონსულტანტების ინფორმაციით, ჯანგველაძის დაკავების ოფიციალურ საბაბად რევაზ ჭურაძის დაავება გახდა. გავრცელებული ინფორმაციით, ყოფილი პოლიციელი რევაზ ჭურაძე ცნობილი კანონიერი ქურდის თემურ ჭურაძის მამა იყო.
