ქუთაისის ნომერ მეორე სასჯელაღსრულების დაწესებულებაში ზუგდიდიდან გადმოყვანილი პატიმრის მამიდამ პროტესტის ნიშნად ხელი მესერზე მიიჭედა. როგორც პატიმრის ახლობლები აცხადებენ, პატიმრების ზუგდიდიდან ქუთაისის საპყრობილეში გადმოყვანა კანონდარღვევით მოხდა და მათ სიცოცხლეს საფრთხე ემუქრება.
„ჩვენ გვაქვს ინფომაცია რომ იგეგმება პატიმრების ლიკვიდირება. სწორედ ამიტომ ვაპროტესტებთ მათ ქუთაისში გადმოყვანას. ვითხოვთ დაუყოვნებლივ მოხდეს პატიმრების უკან ზუგდიდის სასჯელაღსრულების დაწესებულებაში დაბრუნება", აცხადებენ პატიმრის ახლობლები „ჯი-ეიჩ-ენთან" საუბრისას.
შეგახსენებთ, რომ გუშინ გვიან ღაამით ერთ-ერთი პატიმრის დედამ პროტესტის ნიშნად თავის დაწვას შეეცადა, რისი უფლებაც მათ ადგილზე მობილიზებულმა სამართალდამცველებმა არ მისცეს.
