ზუგდიდის საპყრობილედან ქუთაისის ნომერ მეორე სასჯელაღსრულების დაწესებულებაში გადმოყვანილ პატიმრებს, რომლებმაც პროტესტის ნიშნად შიმშილობა დაიწყეს და ხელები საკნებზე მიიჭედეს ადვოკატი შეხვდა. ადვოკატის მერაბ მირცხულავას განცხადებით, მისი დაცვის ქვეშ მყოფი სამი პატიმარი საპყრობილეში უმძიმეს მდგომარეობაშია. მირცხულავას თქმით, პატიმრებმა განაცხადეს, რომ თუ მათი მოთხოვნები არ დაკმაყოფილდება ხელების შემდეგ საკნებზე ფეხებსაც მიიჭედებენ.
„ეს პატიმრები და პატიმრების ოჯახის წევრები მხოლოდ იმ მიზეზით აპროტესტებენ ზუგდიდიდან ქუთაისში გადმოყვანას, რომ არის საფრთხე მათი ფიზიკური ლიკვიდაცია მოხდეს. მიზეზს გვაძლევს ის ფსიქოლოგიური ზეწოლა, რომელიც პატიმრის ახლობლებზე სამეგრელოში ხორციელდება. ასევე ყოველგვარი ახსნა განმარტების გარეშე იქნა გადმოყვანილი ჩემი დაცვის ქვეშ მყოფები ზუგდიდიდან ქუთაისის ნომერ მეორე დახურულ დაწესებულებაში", - განაცხადა ადვოკატმა მერაბ მირცხულავამ.
ცნობისთვის მოშიმშილე პატიმრების ახლობლების განცხადებით თუ, პატიმრებს კვლავ ზუგდიდის საპყრობილეში არ გადაიყვანენ ისინი ხვალიდან შიმშილობას დაიწყებენ.
