დღეს, 29 მაისს, 14:00 საათზე ქართველ პატრიოტთა არასამთავრობო ორგანიზაცია "ეროვნული ფრონტი" საფრანგეთის საელჩოსთან აქციას გამართავს.
ორგანიზატორების განმარტებით, აქციის მიზანია მხარდაჭერა და სოლიდარობის გამოხატვას ფრანგი ხალხისადმი, რომელიც "დღეს პარიზის ქუჩებში იბრძვის გლობალისტური ეკონომიკური კლანების მიერ ძალადობრივად თავსმოხვეული ერთსქესიან წყვილთა ქორწინების წინააღდეგ".
ფრანგი ხალხის ამბოხმა კიდევ ერთხელ კარგად დაგვანახა, რომ ჭეშმარიტი ევროპა ტრადიციული და ეროვნულ-ზნეობრივი ფასეულობების ერთგული რჩება. ქართველი პატრიოტები კი ვთვლით, რომ ჩვენი ქვეყნის მომავალი სწორედ ასეთ ევროპას უკავშირდება.
მიმდინარე წლის 17 მაისს და შემდგომ დღეებშიც ქართველმა ერმა უკვე დააფიქსირა თავისი მკვეთრად ნეგატიური დამოკიდებულება ლგბტ პროპაგანდა-აგიტაციის წინააღმდეგ და დააადასტურა თავისი ერთგულება მამა-პაპათა ტრადიციებისა და ქრისტიანული ფასეულობებისადმი.
"ეროვნული ფრონტი" სრულ მხარდაჭერას უცხადებს ფრანგ ერს, საფრანგეთის თითოეულ მოქალაქეს და მათ ავანგარდში მდგარ საფრანგეთის "ეროვნულ ფრონტს" ამ სამართლიან და ზნეობრივ-მორალური იდეალებისთვის წარმოებულ ბრძოლაში და აცხადებს, რომ მსოფლიოს ხალხები და ერები უნდა გაერთიანდნენ გლობალისტურ ძალებთან საბრძოლველად, რომლებიც ძალადობრივი და შანტაჟის გზით ახორციელებენ ღვთისსაგმობ და ანტიჰუმანურ პროექტებს და ამკვიდრებენ კაცობრიობის გადაშენებისკენ მიმართულ ღირებულებებს და ფასეულობებს", - ნათქვამია ორგანიზაცის განცხადებაში.
