დღეს, 27 მაისს, 13 საათზე სასტუმრო „სიმპათია" - ს საკონფერენციო დარბაზში (დარასელიას N4, საბურთალოს ბაზართან), მეცნიერთა საინიციატივო ჯგუფი აწყობს დისკუსიას საქართველოში ვადამდელი საპარლამენტო არჩევნებთან დაკავშირებით მოსაწვევში, რომელსაც ხელს აწერენ საინიციატივო ჯგუფის თავმჯდომარე, ცნობილი იურისტი, პაატა ცნობილაძე და მისი თანათამჯდომარეები, ნიკო ჯავახიშვილი და მანუჩარ მაჩაიძე, ნათქვამია: „პატივისცემით გიწვევთ მეცნიერთა საინიციატივო ჯგუფის სადისკუსიო დარბაზის პირველ სხდომაზე.
გადაწყვეტილება სადისკუსიო დარბაზის შექმნის თაობაზე მივიღეთ ქვეყანაში შექმნილი პოლიტიკური მდგომარეობიდან გამომდინარე და უპირველესად იმის გამო, რომ დღის წესრიგში, როგორც აუცილებელი პოლიტიკური მოთხოვნა, დგება ვადამდელი საპარლამენტო არჩევნები. ჩვენ დიდ მნიშვნელობას ვანიჭებთ თქვენს მონაწილეობას ამ დისკუსიაში.
წინასწარ დიდ მადლობას გიხდით თანამშრომლობისათვის. დარწმუნებული ვართ, შევხვდებით პირველ დისკუსიაზე, 27 მაისს.
