დღეს, 26 მაისს, დამოუკიდებლობის დღისადმი მიძღვნილ ღონისძიებები, თბილისსა და 26 ქალაქში12:00 საათიდან 21:30 საათის ჩათვლით გაიმართება.
საქართველოსმთავრობის მიერ გამოქვეყნებული პრიოგრამის მიხედვით, ღონისძიებები 3 ადგილას - რუსთაველის და თავისუფლების გამზირზე, გლდანში და ვარკეთილში გაიმართება.
"ვარდების მოედანზე" და თავისუფლების მოედანზე წარმოდგენილი იქნება თავდაცვის სამინისტროს ტექნიკისა და აღჭურვილობის გამოფენა;
თავისუფლების მოედანზე მოეწყობა თავდაცვის სამინისტროს BCT- ის კურსდამთავრებულების ფიცის დადების საზეიმო ცერემონიალი, გადაიფრენენ თვითმფრინავები და მოეწყობა თავდაცვის სამინისტროს სასულე ორკესტრის საჩვენებელი მსვლელობა. კონცერტები და სპორტული ღონისძიებები გაიმართება პარლამენტის მიმდებარე ტერიტორიებზეც.
"იმელის" შენობის წინ, მოხდება შინაგან საქმეთა სამინისტროს ტექნიკისა და აღჭურვილობის გამოფენა. ამავე ტერიტორიაზე გაიმართება გამოფენები, კონცერტები და სხვა გასართობი ღონისძიებები.
გლდანის პარკში გამოფენილი იქნება თავდაცვისა და შინაგან საქმეთა სამინისტროების ტექნიკა და აღჭურვილობა. აქვე გაიმართება კონცერტები, სპორტული შეჯიბრებები და ა.შ.
თავდაცვის და შინაგან საქმეთა სამინისტროების ტექნიკისა და აღჭურვილობის გამოფენა მოეწყობა ვარკეთილის სკვერშიც. აქვე გაიმართება ლუდის ფესტივალი, სპორტული შეჯიბრებები და გასართობი ღონისძიებები.
თბილისის გარდა საზეიმო ღონისძიებები შემდეგ ქალაქებში გაიმართება: ამბროლაური, ახალქალაქი, ახალციხე, ახმეტა, ბათუმი, ბოლნისი, ბორჯომი, გარდაბანი, გორი, დუშეთი, ზუგდიდი, თელავი, ლანჩხუთი, მარნეული, მესტია, მცხეთა, ოზურგეთი, რუსთავი, საჩხერე, სენაკი, სიღნაღი, ფოთი, ქუთაისი, ყვარელი, ცაგერი და წალკა.
საზეიმო ღონისძიებებს 21:30 საათზე, როგორც თბილისში, ასევე 26 ქალქში საქართველოს ეროვნული ჰიმნი და გრანდიოზული ფეიერვერკი დაასრულებს.
