უკვე მეორე დღეა ვანო მერაბიშვილის გათავისუფლების მოთხოვით, ინტერნეტში ელექტრონული ხელმოწერების შეგროვება მიმდინარეობს. მერაბიშვილის თავდებით გათავისუფლებას ხელი ხუთასზე მეტმა მოქალაქემ მოაწერა.
"ჩვენ თავდებში ვუდგებით ვანო მერაბიშვილს" ამ სახელწოდების კამპანია ინტერნეტით მოძრაობა „პატრიოტებმა" სასამართლოს მიერ გამოტანილი განაჩენის შემდეგ დაიწყო. „ ჩვენ,საქართველოს ხელის მომწერი მოქალაქეები შეშფოთებულნი ვართ ივანე მერაბიშვილის დაპატიმრებით,მიგვაჩნია რომ არ არსებობს არანაირი საფუძველი მათი პატიმრობაში ყოფნის, ასევე მიგვაჩნია,რომ ეს დაპატიმრება ატარებს წმინდა პოლიტიკურ ხასიათს და მოახდენს უაღრესად ნეგატიურ გავლენას საქართველოს საერთაშორისო იმიჯზე", - ნათქვამია განცხადებაში, რომელსაც მოძრაობა "პატრიოტები" ავრცელებს.