„მკვლელებო, სისხლის მსმელებო, ადამიანის მწამებლებო", ამ ფრაზებით ქუთაისის საქალაქო სასამართლოში ადამიანის უფლებათა დამცველებმა, პოლიტპატიმრებმა და რიგითმა ქუთაისელებმა ნაციონალური მოძრაობის საპარლამენტო უმცირესობის ლიდერები შეაცილეს.
ადგილზე რამდენიმე ასეული სამართალდამცავია მობილიზებული, რომლებიც ორ დაპირისპირებულ მხარეს შორის სიტუაციის განმუხტვას ცდილობს.
„ეს ადამიანები არიან სისხლის მსმელები, რომლებიც სისხლს 9 წლის განმავლობაში წოვდნენ ქართველ ერს, ამათ რომ ქართველი ერის მიმართ პატივისცემა ჰქონდეთ საერთოდ უნდა დაეტოვებინათ ქვეყანა, რადგან მათი ადგილი ამ ქვეყანაში არ არის" განაცხადა აქცის მონაწილე რეზო დადიანი.