ახალგაზრდა იურისტთა ასოციაცია ,,ნაციონალური მოძრაობის" გენერალური მდივნის ვანო მერაბიშვილისა და კახეთის გუბერნატორის ზურაბ ჭიაბერაშვილის სასამართლო პროცესებზე მონიტორინგს განახორციელებს. როგორც საიას თავმჯდომარემ კახა კოჟორიძემ ჟურნალისტებთან განმარტა ყველა ადამიანმა უნდა ისარგებლოს სამართლიანი სასამართლოს უფლებით.
"მიუხედავად იმისა გამოძიებას რა კითხვები აქვს მათთან და რამდენად მძიმე დანაშაულში ედებათ ბრალი, ყველა ადამიანმა უნდა ისარგებლოს სამართლიანი სასამართლოს უფლებით. ჩვენ ობიექტური დამკვირვებლის თვალით დავაკვირდებით როგორც აღმკვეთის ღონისძიების შეფარდების პროცესს, ასევე საქმის არსობრივ განხილვას. დავინტერესდებით იმითაც, რამდენად დასაბუთებული იქნება პროკურატურის შუამდგომლობა აღმკვეთ ღონისძიებას პატიმრობის შეფარდების შესახებ", -განაცხადა კახა კოჟორიძემ.
