ზურაბ ჭიაბერაშვილი მისი და ვანო მერაბიშვილის დაკავებას არ გამორიცხავს. ამის შესახებ ,,ნაციონალური მოძრაობის" წევრმა ზურაბ ჭიაბერაშვილმა ,,პირველი რადიოს" პრესკლუბში სტუმრობისას განაცხადა და აღნიშნა, რომ დღეს ხელისუფლების ხელშია სამართლიანობასთან დაკავშირებული ყველა ბერკეტი.
,,დაკავება შესაძლებელია. თუ ამ ვითომდა სამართლიანობის აღდგენას მაინცდამაინც ის სჭირდება, რომ მე ოთხ კედელში ვიყო გამომწყვდეული, რას ვიზამთ, ეს ხელისუფლების ნებაა და დღეს მათ ხელშია ყველანაირი სამართლებრივი ბერკეტი", -განაცხადა ჭიაბერაშვილმა.
მისივე განცხადებით, ხელისუფლება საზოგადოებას სანახაობას სთავაზობს.
,,ხელისუფლებას გაუჩნდა სურვილი, რომ თუ საზოგადოებას ვერ აწვდის პურს, შესთავაზოს სანახაობა. ეს სანახაობა მიდის იქამდე, რომ ,,ნაციონალური მოძრაობის" გენერალური მდივანი ვანო მერაბიშვილი და მე დაბარებული ვართ დაკითხვაზე სამუშაოს მაძიებელთა აღრიცხვის პროგრამასთან დაკავშირებით", _განაცხადა ჭიაბერაშვილმა.
შეგახსენებთ, რომ რომ დღეს, 21 მაისს, 14:00 საათზე, დასავლეთ საქართველოს საოლქო პროკურატურაში "ნაციონალური მოძრაობის" გენერალურ მდივანს, ვანო მერაბიშვილსა და კახეთის გუბერნატორ ზურაბ ჭიაბერაშვილს დასაქმების პროგრამასთან დაკავშირებით დაკითხავენ.
მასალის გამოყენების პირობები
