სპორტის სასახლეში ყრილობა „რეჟიმი უნდა გასამართლდეს" ქართველი მომღერლების მიერ შესრულებული ჰიმნით დასრულდა. სახალხო ყრილობას სასახლეში პოლიტიკოსები და საზოგადოების წევრები ესწრებოდნენ, მათ შორის იყვნენ ნინო ბურჯანაძე, კობა დავითაშვილი, კახა კუკავა, დიმიტრი ლორთქიფანიძე, ჯონდი ბაღათურია, სახალხო დამცველი უჩა ნანუაშვილი და სხვები.
გამომსვლელთა განცხადებით, მათთვის ახალი და ძველი ხელისუფლების კოჰაბიტაცია მიუღებელია და წინა ხელისუფლების მაღალჩინოსნები, რომლებსაც დანაშაული აქვთ ჩადენილი უნდა გასამართლდენენ.
დღევანდელ ყრილობაზე ახალი საზოგადოებივი მოძრაობაც დაფუძნდა, რომლის მიზანიც მიხეილ სააკაშვილის 9 წლიანი მმართველობის დროს ჩადენილი დანაშაულებების გამოძიება და მათი დასჯა იქნება. სხდომაზე სიტყვით ჰოლანდიური არასამთავრობო ორგანიზაციის წარმომადგენელი გამოვიდა, რომელმაც მიხეილ სააკაშვილს მიკიმაუსი უწოდა, ხოლო საქართველოში მისი ქვეყნის საელჩოს უმოქმედობის გამო ქვეყნის მოსახლეობას ბოდიში მოუხადა. გამომსვლელს სიტყვა რამდენჯერმე ტაშით შეაწყვეტინეს.
დღევანდელი ყრილობა ორი კონკრეტული გადაწყვეტილებით დასრულდა. მიიღეს რეზოლუცია, რომელსაც საქართველოს პარლამენტს გადაუგზავნიან და დააფუძნეს ახალი ორგანიზაცია „სამართლიანობა უნდა აღდგეს".