საქართველოს საპატრიარქოს ტელევიზია "ერთსულოვნება" სავარაუდოდ ორშაბათიდან 25-ე დეციმეტრულ არხზე მაუწყებლობას შეწყვეტს. ამის შესახებ ინფორმაციას თავად საპატრიარქოს ტელევიზია ავრცელებს.
ტელეკომპანია "ევრიკამ", რომლის სიხშირეზეც საპატრიარქოს ტელევიზია 4 წლის განმავლობაში მაუწყებლობდა 1 მაისს ტელეკომპანია "ერთსულოვნებას" ხელშეკრულება შეუწყვიტა.
მაუწყებლობას საქართველოს საპატრიარქოს ტელევიზია სატელიტისა და საკაბელო ქსელების საშუალებით გააგრძელებს. ჯერჯერობით უცნობია რა გახდა ტელეკომპანია "ევრიკასა" და "ერთსულოვნებას" შორის ხელშეკრულების შეწყვეტის მიზეზი.