ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს ინიციატივით საგარეჯოში მცხოვრებ დევნილებს საპატრიარქოს წმინდა იოაკიმე და ანას სახელობის სამედიცინო ცენტრის მედპერსონალმა სამედიცინო გამოკვლევები ჩაუტარა. დევნილების გამოკვლევა მთელი დღის განმავლობაში გაგრძელდა. საგარეჯოში დარეგისტრირებულია 250-მდე იძულებით გადაადგილებული პირი, რომლებიც გამოკვლევების შემდეგ შესაბამისი მიმართულების ექიმების კონსულტაცია გაიარეს და საჭიროების მიხედვით წამლებიც უფასოდ მიიღეს.
დევნილთა სამინისტროსა და საქართველოს საპატრიარქოს წმინდა იოაკიმე და ანას სახელობის სამედიცინო ცენტრთან მემორანდუმი გაფორმდა, რომელიც ითავლისწინებს ჯანდაცვის კუთხით დევნილი მოსახლების დახმარებას. აღნიშნული აქცია, დევნილთა სამინმისტროსთან თანამშრომლობის ნაწილია.
სამინისტროს მხრიდან აქციას მინისტრის მოადგილე მერაბ მენაბდე დაესწრო, სამედიცინო ცენტრის მხრიდან კი გენერალური დირექტორი ვახტანგ სურგილაძე და ცენტრის წარმომადგენლები.
როგორც დევნილებმა აღნიშნეს, მათთვის მსგავსი აქციები საკმაოდ მნიშვნელოვანია, რადგან ფინანსური მდგომარეობიდან გამომდინარე, საკუთარ ჯანმრთელობას ნაკლებ ყურადღებას აქცევენ.