,,ჩემი მხრიდან პოლიციას აქვს უფლება გამოიყენოს ყველა ლეგიტიმური მეთოდი სამარცხვინო მოძალადეების წინააღმდეგ", _ განაცხადა ,,რუსთავი-2"-თან საუბარში უშიშროების საბჭოს მდივანმა გიგა ბოკერიამ რუსთაველის გამზირზე განვითარებული პროცესების კომენტირებისას.
,,ეს არის სამარცხვინო და საგანგაშო დღე მთელი საქართველოსთვის, მთელი ქართული საზოგადოებისთვის. სიძულვილით აღსავსე მოძალადეები სასტიკად არბევდნენ ადამიანებს, რომელთაც სურდათ საკუთარი პოზიციის დაფიქსირება ძალადობის წინააღმდეგ, ესენი არიან საქართველოში თავისუფლების წინააღმდეგი, ზოგადად საქართველოს მტრები, ისინი არიან დამნაშავეები და ისინი უნდა იქნენ დასჯილნი. მიუხედავად იმისა, რომ კრიტიკულად ვარ განწყობილი იმის მიმართ, თუ როგორ დაგეგმა პოლიციამ დღევანდელი მოქმედება, ეს კრიტიკა არ ეხება რიგით პოლიციელებს, მათ მართლა სცადეს, რომ ეს ძალადობა გაეჩერებინათ, მაგრამ დაგეგმვა იყო, სამწუხაროდ, ძალიან ცუდი. ამ კრიტიკის მიუხედავად, პოლიციას აქვს სრული პოლიტიკური და სამართლებრივი მხარდაჭერა ამ შემთხვევაში ჩემი მხრიდან, რომ გამოიყენოს ყველა ლეგიტიმური მეთოდი სამარცხვინო მოძალადეების წინააღმდეგ, ვინც ეს საშინელება ჩაიდინა", -განაცხადა ბოკერიამ.