ახალგაზრდა იურისტთა ასოციაცია პრეზიდენტის წინააღმდეგ სარჩელს დაახლოებით ორ კვირაში შეიტანს. ამის შესახებ "პრაიმტაიმის" პრესკლუბში ახალგაზრდა იურისტთა ასოციაციის თავმჯდომარემ კახა კოჟორიძემ განაცხადა.
მისივე განმარტებით, თუ პრეზიდენტის მიერ გაკეთებული განცხადება ზურა ვაზაგაშვილთან დაკავშირებით არ დამტკიცდება, მიხეილ სააკაშვილს მორალური ზარალის ანაზღაურება ფულადი ჯარიმის სახით მოუწევს.
"შაბათს პრეზიდენტმა სტუდენტებთან შეხვედრისას განაცხადა მტკიცებით ფორმაში, რომ ზურა ვაზაგაშვილს ჰქონდა ორი ავტომატი. ეს ყველაფერი მტკიცებით ფორმაში თქვა. მოცემულ მომენტში არ არსებობს ზურა ვაზაგაშვილთან დაკავშირებით გამამტყუნებელი განაჩენი. შესაბამისად პრეზიდენტმა დაარღვია უნადაშაულობის პრეზუმფცია. მოსარჩელე მხარე არის ვაზაგაშვილი ოჯახი, რომელსაც საია იურიდიულ დახმარებას გაუწევს," - განაცხადა კახა კოჟორიძემ.
კოჟორიძე პრემიერის განცხადებასაც გამოეხმაურა, სადაც ბიძინა ივანიშვილმა საია უფლებამოსილების გადაჭარბებაში ადანაშაულებს.
"როდესაც მთავრობის პირის მხრიდან არასამთავრობო ორგანიზაციის მხრიდან მსგავსი ტიპის განცხადება კეთდება, საჭიროა დაკონკრეტება", - განაცხადა კოჟორიძემ.
მასალის გამოყენების პირობები
