სს „ჩემი ოჯახის კლინიკის" ქსელში არსებულ ლაბორატორიებს IFCC-ის ხარისხის სერტიფიკატი მიენიჭათ. ლაბორატორიების გარე ხარისხის შეფასების პროექტის პირველი ეტაპი დასრულებულია, რაც ჩატარებული კვლევების სიზუსტის და საიმედოობის შეფასებას გულისხმობს.
პროექტი რამდენიმე ეტაპს მოიცავს, პირველ ეტაპზე მოხდა ბიოქიმიური კვლევების ხარისხის შემოწმება/შეფასება. გერმანიის ბიოანალიზის რეფერენს ინტიტუტიდან (RfB) მიღებული შედეგების საფუძველზე სს „ჩემი ოჯახის კლინიკის" ქსელში არსებულ ლაბორატორიებს ხარისხის სერტიფიკატი მიენიჭათ, რომელიც IFCC (International Federation of Clinical Chemistry and Laboratory Medicine)-ის მიერაა აღიარებული.
ლაბორატორიების გარე ხარისხის შეფასების პროექტი წელიწადში ორჯერ ტარდება. სს „ჩემი ოჯახის კლინიკის" ქსელში შემავალი ლაბორატორიები აღნიშნულ პროექტში ყოველ 6 თვეში ერთხელ ღებულობობენ მონაწილეობას. თითოეული ლაბორატორიაში ჩატარებული ბიოქიმიური კვლევების სანდოობა 80%-დან 100% -მდეა.
პროექტში ჩართულია დასავლეთ საქართველოს ეროვნული სამედიცინო ცენტრის, იმერეთის რეგიონალურ კლინიკური საავადმყოფოს, წმ. ნიკოლოზის ქირურგიული ცენტრის, ბათუმის რეფერალური საავადმყოფოს, ზუგდიდის მრავალპროფილური საავადმყოფო "რესპუბლიკა"-ს და თბილისის ამბულატორიული კლინიკების ლაბორატორიები. პროექტში „ჩემი ოჯახის კლინიკა" მომავალშიც სისტემატიურად მიიღებს მონაწილეობას, რაც წარმოადგენს მყარ გარანტს კლინიკის ლაბორატორიებში ჩატარებული კვლევების სანდოობის.