სხვა კომენტარს ამ ეტაპზე ნესტან კირთაძე არ აკეთებს, არც სამომავლო გეგმებზე და არც კოალიცია ,,ქართული ოცნების" საპრეზიდენტო კანდიდატთან დაკავშირებით.
შეგახსენებთ, რომ ამჟამად მეცნიერი და პოლიტიკოსი, ნესტან კირთაძე საერთაშორისო სამოქალაქო დიპლომატიაში მოღვაწეობს, იგი ,,ქართულ-აფხაზური და ოსური საერთაშორისო მოძრაობის" პრეზიდენტია, რომლის შტაბ-ბინა ბრიუსელშია განთავსებული.

ნესტან კირთაძე არის ავტორი და ინიციატორი ახალი სამშვიდობო, ალტერნატიული პლატფორმისა, რომელმაც უკვე მოიპივა ფართო ინტერესი და აღიარება საერთაშორისო არენაზე (პარიზი, ბერლინი, ბრიუსელი,); მოსკოვში ნესტან კირთაძის ალტერნატიულ სამშვიდობო პროცესს, ინიციატივებსა და პლატფორმას შეხვდნენ დიდი ინტერესითა და გაგებით (ივლისი-დეკემებრი 2012); ნესტან კირთაძემ თავის მიერ წამოყენებული ახალი სამშვიდობო პლატფორმა და ალტერნატიული ინიციატივები გაუგზავნა აფხაზეთისა პოლიტიკურ ლიდერს ალექსანდრე ანქვაბს.

იგი არის ორგზის საქართველოს პარლამენტის წევრი; საქართველოს საკონსტიტუციო პროცესის შემუშავებისა და მიღების ერთ-ერთი აქტიური პოლიტიკოსი. იგი აქტიურად არის ჩართული საერთაშორისო დიპლომატიაში; სხვადასხვა დროს მას შეხვედრები ჰქონდა: გაეროს გენერალურ მდივანთან, დიდი ბრიტანეთის პრემიერ-მინისტრთან, აშშ-ის სახლემწიფო მდივანთან ჰილარი ქლინთონთან, რუსეთის ფედერაციის საგარეო საქმეთა მინისტრთან სერგეი ლავროვთან და სხვადასხვა ქვეყნების ეროვნული პარლამენტებისა და მთავრობის წევრებთან.

ის ბოლო 20 წლის მანძილზე წარმოადგენდა საქართველოს სხვადასხვა უმაღლესი რანგის დიპლომატიურ შეხვედრებზე, როგორც ქვეყნის მთავრობების მეთაურებთან, ასევე საერთაშორისო ორგანიზაციებთან.

მუდმივად იცავდა რა მოლპარაკებებისა და მედიაციის არსებობის აუცილებლობას, იგი დარწმუნებულია, რომ პოსტ ომისა და კონფლიქტების საქართველოს სახელმწიფოებრივი და ტერიტორიული მთლიანობის აღდგენა და სამშვიდობო პროცესი მოგვარებადია მხოლოდ მშვიდობიანი გზის ერთადერთობის, სამართლებრივი და პოლიტიკური გზით, ხოლო კონფლიქტურ რეგიონებთან ნდობის აღდგენა უკავშირდება ხალხებს შორის სოციალურ-ეკონომიკური და კულტურულ-აკადემიური პროექტების განხორციელებით.

ნესტან კირთაძე არის ავტორი და ინიციატორი ახალი სამშვიდობო, ალტერნატიული პლატფორმისა, რომელმაც უკვე მოიპივა ფართო ინტერესი და აღიარება საერთაშორისო არენაზე (პარიზი, ბერლინი, ბრიუსელი,); მოსკოვში ნესტან კირთაძის ალტერნატიულ სამშვიდობო პროცესს, ინიციატივებსა და პლატფორმას შეხვდნენ დიდი ინტერესითა და გაგებით (ივლისი-დეკემებრი 2012); ნესტან კირთაძემ თავის მიერ წამოყენებული ახალი სამშვიდობო პლატფორმა და ალტერნატიული ინიციატივები გაუგზავნა აფხაზეთისა პოლიტიკურ ლიდერს ალექსანდრე ანქვაბს.
სამშვიდობო პროცესის განვითარებისა და გაძლიერებისათვის ნესტან კირთაძე გამოვიდა რიგი ინიციატივებით. მათ შორის: შეიქმნას მოლაპარაკებებისა და მედიაციის ახალი ფორმატები.

„ქართულ-აფხაზური და ოსური საერთაშორისო მოძრაობის" (EUGAO) სახელით ნესტან კირთძემ კიდევ ერთი ახალი საკონსტიტუციო ინიციატივით მიმართა საქართველოს პრემიერ-მინისტრსა და კოალიციური უმრავლესობის პოლიტიკურ ლიდერს - ბიძინა ივანიშვილს, საქართველოს პრეზიდნტს - მიხეილ სააკშვილს, პარლამენტის თავმჯდომარეს - დავით უსუფაშვილს და საპარლამენტო უმრავლესობისა და უმცირესობისა და ლიდერებს, რათა საქართველოს კონსტიტუციაში და კერძოდ, მის პრეამბულაში ჩაიწეროს ახალი აბზაცი და დეფინიცია „მუდმივი მშვიდობის შესახებ", რომელიც საქართველოს ტერიტორიულ-სახელმწიფოებრივი მთლიანობის აღდგენის ერთადერთ გზად მიიჩნევს მხოლოდ მშვიდობიან, პოლიტიკურ-სამართლებრივ გზას და მიმართული იქნება აფხაზებისა და ოსებისათვის მშვიდობის მყარი გარანტიების შესაქმნელად.

ნესტან კირთაძე მიიჩნევს, რომ სამშვიდობო პროცესის განვითარება უნდა განხორციელდეს როგორც პირდაპირი, კონკრეტული სამშვიდობო ინიციატივებისა და პროცესის გზით, აგრეთვე, სტაბილურობისა და მშვიდობის მიღწევის საუკეთესო გზად მიაჩნია დემოკრატიული პროცესებისა და, ზოგადად, ინსტიტუციური დემოკრატიის განვითარება რეგიონში; ვინაიდან მხოლოდ ორივე სტრატეგიული მიმართულების ერთობლიობა არის სამხრეთ კავკასიის რეგიონის მშვიდობის, სტაბილურობისა და თანმიმდვერული განვითარების გასაღები.