„კარფურში ვადაგასული არაქისის პროდუქტი იყიდება" - ამის შესახებ ინფორმაციას არასამთავრობო ორგანიზაცია „საქართველოს სტრატეგიული კვლევების და განვითარების ცენტრის" მიერ შექმნილი ვებგვერდი Momxmarebeli.ge ავრცელებს.
მომხმარებელმა Momxmarebeli.ge-ს 2013 წლის 03 მაისს მიმართა და არაქისის პროდუქტი წარუდგინა. მისივე თქმით, მის მიერ შეძენილი პროდუქტი ვადაგასული იყო.
„2013 წლის 07 მაისს მაღაზია "კარფურში" შევიძინეთ "WINSENIA", არაქისის კრემი. ეტიკეტის შემოწმებისას, პროდუქტის შეფუთვაზე ვერსად აღმოვაჩინეთ ქართული წარწერა. ეტიკეტზე გერმანულად მითითებულია, რომ პროდუქტი ვარგისია 17.02.2013-მდე, რაც იმას ნიშნავს, რომ არაქისის კრემის ვარგისიანობა 17 თებერვალს ამოიწურა," - აცხადებენ კვლევით ცენტრში.
მათივე ინფორმაციით, მზადდება წერილი მაღაზიაში და სურსათის ეროვნულ სააგენტოში გასაგზავნად.
მასალის გამოყენების პირობები