,,იდენტობა", ჰომოფობიასა და ტრანსფობიასთან ბრძოლის საერთშორისო დღესთან დაკავშირებით, აქციას გამართავს. ამის შესახებ გადაწყვეტილება ,,იდენტობის" წევრებმა გამართულ პრესკონფერენციაზე დაანონსეს და აღნიშნეს, რომ პარლამენტის ყოფილი შენობის წინ, 17 მაისს, 13:00 საათზე, აქცია- ფლეშმობს გამართავენ.
ცისარტყელის ფერებში ჩაცმული აქციის მონაწილეები ლგბტ ადამიანების დისკრიმინაციის ფაქტებს გააპროტესტებენ საქართველოში.
არასამთავრობო ორგანიზაციამ ,,იდენტობა " შსს-ს მოუწოდა უზრუნველყოს აქციის უსაფრთხოება.
,,ვერ დადგება ვერცერთი უფლებადამცველი და ვერ იტყვის, რომ ამ საკითხზე ყურადღება არ უნდა გავამახვილოთ, რადგან შუაშია არიან ადამიანები, ვინც დაცვას საჭიროებს. დრო არის, სახელმწიფომ იტვირთოს ის პასუხისმგებლობა, რომელიც მას აკისრია", -განაცხადა ,,იდენტობის" იურისტმა ნინო ბოლქვაძემ და აღნიშნა, რომ აქციის მიზანია საზოგადოების ყურადღების მიპყრობა ქვეყანაში არსებული ჰომოფობიისა და ლგბტ ადამიანთა დისკრიმინაციის ფაქტებზე.