საქართველოს ახალგაზრდა იურისტთა ასოციაცია ლაფანყურში მომხდარი სპეცოპერაციის გამოძიების პროცესში, ოჯახის ინტერესების გათვალისწინებით, თავისუფალ ექსპერტ მაია ნიკოლეიშვილის ჩართვას მოითხოვს.
იგივე მოთხოვნა დააყენა სახალხო დამცველმა უჩა ნანუაშვილმაც.
საია-ს იურისტის თქმით, ამ ეტაპზე საგამოძიებო ორგანოსთან მოლაპარაკება მიმდინარეობს იმასთან დაკავშირებით, მიიღებენ თუ არა ისინი ექსპერტიზაში თავისუფალი ექსპერტის ჩართვის უფლებას.
პროკურატურაში კი ამბობენ, რომ ჯერჯერობით მათთან ოფიციალური მოთხოვნა ამ საკითხთან დაკავშირებით არ შესულა.
კომენტარი გააკეთა ექსპერტმა მაია ნიკოლეიშვილმა. მისი განცხადებით, არც პროკურატურას და არც შინაგან საქმეთა სამინისტროს საქმეში თავისუფალი ექსპერტის ჩართულობაზე უარის თქმის უფლება არ აქვს.
ის ამბობს, რომ მზადაა გვამების ექსჰუმაციის პროცესში მონაწილეობა მიიღოს, რადგან პირადად მასთან დაკავშირებით ოჯახის თხოვნა არსებობს.
