საბაჟო გამშვები პუნქტის, წითელი ხიდის გავლით, აზერბაიჯანიდან საქართველოში „მერსედესის" მარკის ავტომანქანით, საქართველოს მოქალაქეები მ.ხ, გ.ტ. და ნ.ლ. შემოვიდნენ. შემოსავლების სამსახურის საბაჟო დეპარტამენტის თანამშრომლების მიერ, ეჭვის საფუძველზე, მგზავრებისა და მანქანის დეტალური დათვალიერება განხორციელდა. შემოწმების შედეგად ბარგში, სხვა მედიკამენტთან ერთად, სავარაუდოდ, ნარკოტიკული საშუალების შემცველი შემდეგი დასახელების მედიკამენტები გამოვლინდა: Contramal (საერთაშორისო დასახელება Tramadol HCI) - 8 ცალი 10-აბიანი ფირფიტა და ერთი ცალი 4-აბიანი ფირფიტა, სულ - 84 აბი; TRAMAL (საერთაშორისო დასახელება Tramadol hydrochloridum) - 2 ცალი 10- აბიანი ფირფიტა, სულ - 20 აბი. შემდგომი რეაგირების მიზნით, საქმის მასალები კრიმინალური პოლიციის ალგეთის განყოფილებას გადაეცა.
მასალის გამოყენების პირობები