გურჯაანის რაიონის სოფელ ჩუმლაყის 2012 წლის 19 ივლისის სტიქიით დაზარალებული მოსახლეობის ერთი ნაწილი დღეს სოფლის ცენტრში შეიკრიბა და კუთვნილი კომპენსაციის დარიგება მოითხოვა.
აქციის მონაწილეების თქმით, სოფელში 200-მდე ოჯახს ამ დრომდე კომპენსაცია არ მიუღია. ჩუმლაყელების თქმით, სტიქიამ ისინი შარშან ასი პროცენტით დააზარალა, თუმცა სტიქიის შემსწავლელმა კომისიამ ზარალი არასწორად დათვალა და დაზარალებულები სიაში ვერ მოხვდნენ.
ჩუმლაყელების ნაწილი საქართველოს პრემიერ-მინისტრს მიმართავს, ისინი ბიძინა ივანიშვილისგან კომპენსაციის გაცემას ითხოვენ. წინააღმდეგ შემთხვევაში, გზების გადაკეტვით და პერმანენტული საპროტესტო აქციებით იმუქრებიან.