არასამთავრობო ორგანიზაციები განათლებისა და შსს მინისტრებს მიმართავენ და უმაღლეს სასწავლებელში დაცვის სამსახურის შექმნისკენ მოუწოდებენ.
საქართველოს სტუდენტთა უფლებების ლიგის პრეზიდენტ ნოდარ თათვიძისა და დამოუკიდებელ სტუდენტთა ასოციაციის
თავმჯდომარე ალექსანდრე კობაიძის მიერ გავრცელებულ მიმართვაში, რომლითაც ისინი ირაკლი ღარიბაშვილსა და გიორგი მარგველაშვილს მიმართავენ აღნიშნულია, რომ საქართველოს ტექნიკურ უნივერსიტეტსა და ივანე ჯავახიშვილის სახელობის თბილისის სახელმწიფო უნივერსიტეტში სტუდენტებს შორის მოხდა ფიზიკური დაპირისპირება.
"უნივერსიტეტებში დაცვის სამსახურის პირდაპირი მოვალეობაა სტუდენტთა დაცვა, თუმცა თვალნათელია კონკრეტული შემთხვევები, ამიტომ ვფიქრობთ რომ გადასამოწმებელი და საჭიროსამებრ ახლად დასაკომპლექტებელია დაცვის სამსახური ყველა უნივერსიტეტში, რათა სტუდენტებმა უფრო დაცულად იგრძნონ თავი.
ზოგჯერ დაცვის სამსახურის უფროსებისგან სტუდენტებისადმი პოლიტიკური დევნაც ხდებოდა მათი უსაფრთხოების უზრუნველყოფის ნაცვლად.
ბატონო ირაკლი და ბატონო გიორგი გვინდა მოგმართოთ თხოვნით, რომ დაინტერესდეთ ჩვენი წინადადებით და შექნათ დაცვის სამსახური უნივერსიტეტებში რომელებიც ეფექტური იქნება"- ნათქვამია მიმართვაში.
