მიხეილ სააკაშვილი მართლმადიდებელ მრევლს ბზობის დღესასწაულს ულოცავს. როგორც პრეზიდენტის მიერ გავრცელებულ მისალოც განცხადებაშია აღნიშნული ,,მართლმადიდებელი ეკლესია დღეს ერთ-ერთ საუფლო დღესასწაულს ბზობას აღნიშნავს და იერუსალიმში მაცხოვრის დიდებით შესვლას ზეიმობს. ამ დღეს მორწმუნეებს უფალმა სიყვარულის გამომჟღავნების საშუალება მისცა, ხოლო მოძულეებსა და მტრებს - მისი შეცნობის და სინანულად მოქცევისა.
მინდა თითოეულ მართლმადიდებელს მივულოცო ეს დღესასწაული და სიყვარული, მშვიდობა და კეთილდღეობა ვუსურვო მთელ საქართველოს. უფლის მფარველობა არ მოკლებოდეს ჩვენს სამშობლოს! ერთიან, ძლიერ, გაბრწყინებულ საქართველოში გვეცხოვროს", -ნათქვამია პრეზიდენტის განცხადებაში.
