ეკონომიკისა და მდგრადი განვითარების სამინისტრო დიღმის რაიონში 6 488 კვ.მეტრ მიწის ნაკვეთსა და მასზე განთავსებული შენობა-ნაგებობებს ყიდის. სამინისტროს ინფორმაციით, სახელმწიფო ქონების ეროვნულმა სააგენტომ აუქციონზე გასაყიდად გამოიტანა 6 488 კვ.მ არასასოფლო-სამეურნეო დანიშნულების მიწის ნაკვეთი 1 მშენებარე და 6 აშენებული შენობა-ნაგებობით.
აღნიშნული მიწის ნაკვეთი თბილისის პრესტიჟულ რაიონში, დიღომში მდებარეობს. მიმდებარე ტერიტორიაზე განთავსებულია სამედიცინო დანიშნულების და რეკრეაციული ობიექტები.
ინტერნეტ-აუქციონი ჩატარდება 2013 წლის 8 მაისს 17 საათზე. აუქციონის დასრულებამდე ქონების დათვალიერება შესაძლებელია პრივატიზების განმახორციელებელ ორგანოსთან შეთანხმებით.
სახელმწიფო ქონების შემძენი შეიძლება იყოს საქართველოს ან უცხო ქვეყნის მოქალაქე, ასევე - კერძო სამართლის იურიდიული პირი ან ამ პირთა გაერთიანება, რომლის ქონებაშიც საქართველოს სახელმწიფოს ან ადგილობრივი თვითმმართველობის ორგანოს მონაწილეობის წილი 25%-ზე ნაკლებია.
