ჩრდილოეთ ერაყის მთებში, ქურთების მუშათა პარტიის სამხედრო ბაზაზე გამართულ პრესკონფერენციაზე, პარტიის სამხედრო ხელმძღვანელმა მურატ კარაიილანმა განაცხადა, რომ ქურთი ამბოხებულები თურქეთიდან საკუთარი ძალების გაყვანას მაისის დასაწყისიდან დაიწყებენ.
ქურთების მუშათა პარტიის სამხედრო ხელმძღვანელის განცხადებით, ძალების გაყვანა ეტაპობრივად მოხდება. ეს გადაწყვეტილება მათი პარტიის ლიდერის განცხადებას მოჰყვა, რომელიც აბდულა ოჯალანმა თურქეთის ციხეში გააკეთა. მან თავის მებრძოლებს თურქეთის სამთავრობო ძალების წინააღმდეგ ბრძოლის შეწყვეტისკენ მოუწოდა.
ცნობისათვის, თურქეთის ხელისუფლებასა და ქურთების მუშათა პარტიის წარმომადგენლებს შორის დაპირისპირება 30 წელია გრძელდება და შეტაკებების შედეგად 40 ათასზე მეტი ადამიანი დაიღუპა.
