აშშ-ის თავდაცვის მდივნის ჩაკ ჰეიგელის განცხადებით, ამერიკული დაზვერვა ფლობს ინფორმაციას იმის შესახებ, რომ სირიის ხელისუფლებამ ქვეყნის ტერიტორიაზე მიმდინარე შეიარაღებული დაპირისპირების დროს ქიმიური იარაღი გამოიყენა.
შესაბამისი განცხადება თავდაცვის მდივანმა არაბეთის გაერთიანებულ ემირატებში ვიზიტის დროს გააკეთა.
ჰეიგელს არ დაუკონკრეტებია თუ სად და რა ვითარებაში იქნა გამოყენებული ქიმიური იარაღი, თუმცა აღნიშნა, რომ ის მცირე რაოდენობით გამოიყენეს.
ჰეიგელის განცხადება გაკეთდა მას შემდეგ რაც ისრაელის ბრიგადის გენერალმა იტაი ბრუნმა განაცხადა, რომ სირის ხელისუფლებამ ამბოხებულების წინააღმდეგ რამდენჯერმა გამოიყენა ნერვული პარალიზების გაზი. მან აღნიშნული ქმედების დამადასტურებელი ფოტოებიც წარმოადგინა.
აშშ-ის სახელმწიფო მდივანმა ჯონ კერიმ განაცხადა, რომ დადასტურებულია სირიაში ქიმიური გაზის გამოყენების ორი შემთხვევა. შესაბამისი განცხადება გააკეთა დიდი ბრიტანეთის საგარეო საქმეთა სამინიტრომაც.
აღნიშნულის მიუხედავად, თეთრმა სახლმა განაცხადა, რომ აღნიშნული ინფორმაცია, ჯერაც არ ნიშნავს, რომ სირიის პრეზიდენტმა ბაშარ ასადმა "წითელი ზოლი" გადაკვეთა.
შეგახსენებთ, რომ რამდენიმე ხნის წინ აშშ-ის პრეზიდენტმა გააფრთხილა სირია ქიმიური იარაღის გამოყენებისგან თავის შეკავების შესახებ.
მასალის გამოყენების პირობები
