საქართველოს რეგიონული განვითარების მინისტრი დავით ნარმანია, ენერგეტიკის მინისტრი კახა კალაძე და აჭარის მთავრობის ხელმძღვანელი არჩილ ხაბაძე დღის ბოლოს საგანგებო პრესკონფერენციას გამართავენ და სტიქიის შედეგებს შეაჯამებენ. პრესკონფერენცია აჭარის მთავრობის სახლში 18 საათზე გაიმართება.
როგორც ცნობილია, დღეს დილიდან რეგიონული განვითარებისა და ენერგეტიკის მინისტრებმა აჭარასა და გურიაში სტიქიის შედეგად დაზარალებული მოსახლეობა მოინახულეს და გაწმენდით სამუშაოებს დაესწრნენ. ნარმანია და კალაძე ჟურნალისტებს მიაწვდიან ინფორმაციას, თუ რა ვითარებაა ამ დროისთვის დაზარალებულ რეგიონებში და რა ვადებში წარიმართება რეაბილიტაციის პროცესი.
